Yurgen Klopp Germaniya futbol ligasida lavozimga ega bo'ldi

Dortmundning "Borussiya" va "Liverpul" klublarining sobiq bosh murabbiyi Yurgen Klopp Germaniya futbol ligasiga (DFL) yangi ekspertlar qo'mitasi tarkibiga qo'shildi.

The Sun nashrining yozishicha, ushbu qo'mitaning roli nemis futbolining rivojlanishi, o'sishi va umumiy raqobatbardoshligiga qaratilgan sa'y-harakatlardan iborat bo'ladi. Qo'mitaning birinchi xulosalari va takliflari 2026-yilning bahorida muhokama qilinadi.

Ushbu elita guruhiga Kloppdan tashqari Madridning "Real" afsonasi Sami Xedira va Bundesliga klublarining bir nechta rahbarlari ham kiritilgan. Bu Kloppning shu yil boshida "Liverpul" ni tark etganidan beri futboldagi birinchi rasmiy ishi. Shu bilan birga, nemis Red Bull konsernida o'z ishini davom ettiradi, u yerda u "Rb Leypsig", "RB Zaltsburg" va "Nyu-York Red Bulls"kabi klublarni nazorat qilib, global futbol yo'nalishi rahbari lavozimini egallaydi.

"Liverpul" da ishlagan davrida Klopp jamoani APLda g'alaba qozonishga olib keldi, u bilan birga UEFA Chempionlar Ligasi, ichki kuboklar va futbol bo'yicha klublar o'rtasidagi jahon chempionatida g'olib chiqdi.