Krishtianu Ronaldo: maqsad-jahon chempionatiga chiqish va uni yutish

Portugaliya terma jamoasi va "Al-Nasr" klubi hujumchisi Krishtianu Ronalo terma jamoaning eng yaqin o'yinlari va saralash siklidagi maqsadlari haqida fikr bildirdi.

"Haqiqiy narsa haqida o'ylash kerak — o'yindan o'yinga o'tish. Albatta, maqsad jahon chempionatiga chiqish va g'alaba qozonishdir, ammo har bir bosqichga asta-sekin yondashish kerak. Hozir bizda ikkita uy uchrashuvi bor va Roberto Martines aytganidek, bu lahzadan zavqlanish juda muhim. Uyda, muxlislarimiz bilan o'ynaganimizda, biz ayniqsa kuchlimiz. Men Portugaliya uchun o'ynash sharafiga muyassar bo'ldim. Men har doim muxlislarimizning qo'llab-quvvatlashini his qilaman, hatto biror narsa noto'g'ri bo'lsa ham. Ishonchim komilki, biz eng yaqin o'yinlarni muvaffaqiyatli o'tkazamiz va jahon chempionatiga chiqamiz", — deya hujumchining so'zlarini keltiradi O Bola.

Karyerasi davomida Ronaldu klub darajasida 805 ta gol va Portugaliya terma jamoasi uchun 141 ta gol urdi.