"Barselona" darvozaboni Joan Garsiya operatsiyadan so'ng palatadan Pedri va Olmo bilan suratga tushdi

"Barselona" darvozaboni Joan Garsiya tizzasida muvaffaqiyatli operatsiyadan so'ng ijtimoiy tarmoqda post e'lon qildi. Kasalxonadagi darvozabonga jamoadoshlari Pedri va Dani Olmo tashrif buyurishdi.  

"Hammasi yaxshi o'tdi. Qaytishni intiqlik bilan kutyapman! Xabarlar va qo'llab — quvvatlaganingiz uchun tashakkur", deb yozgan Garsiya.

Avvalroq "Barselona" matbuot xizmati Garsiya kecha, 27-sentabr kuni Barselona kasalxonasida chap tizzasining ichki meniskusi yorilganidan keyin operatsiya qilingani haqida xabar bergan edi. Reabilitatsiya dinamikasiga qarab tiklanish vaqti to'rt haftadan olti haftagacha bo'ladi.

Garsiya 24 yoshda, u o'tgan yozda ko'k-granat o'yinchisi bo'ldi. Bu davrda u barcha turnirlarda yetti o'yinda ishtirok etdi, ulardan uchtasida "nolga"o'ynadi. Darvozabonning klub bilan amaldagi mehnat shartnomasi 2031-yil yozgacha mo'ljallangan. Transfermarkt portalida taqdim etilgan ma'lumotlarga ko'ra, futbolchining bozor qiymati 25 million yevroni tashkil qiladi.