"Barselona" delegatsiyasi Parijga "Oltin to'p" marosimiga keldi

"Barselona" futbolchilari va rahbariyati "Oltin to'p"ni topshirish marosimi uchun Parijga uchib ketishdi. France Football mukofotining yakuniy ro'yxatiga to'rtta ko'k-granat o'yinchisi kiritildi. G'olibni e'lon qilish bugun, 22 sentyabr kuni Parijdagi ''Châtelet''  teatrida bo'lib o'tadi. 

Kubok nominatsiyalariga hujumchi Robert Levandovski, yarim himoyachi pedri, shuningdek, vingerlar Lamin Yamal va Rafinya kiradi. Bundan tashqari, Ispaniya terma jamoasining flank hujumchisi 21 yoshga to'lmagan eng yaxshi yosh futbolchiga beriladigan Raymon Kopa nomidagi Kubok uchun asosiy talabgor hisoblanadi. Ushbu mukofotga nomzodlar orasida kataloniyalik himoyachi Pau Kubarsi ham bor.

"Blaugrana" bosh murabbiyi Xans-Diter Flik Kruiff nomidagi sovrin uchun kurashadi. U dunyodagi yilning eng yaxshi murabbiyiga topshiriladi.