UEFA xalqaro turnirlardan chetlatilgandan so'ng Rossiya klublariga 10 million yevrodan ko'proq pul to'ladi

Yevropa futbol assotsiatsiyalari Ittifoqi (UEFA) xalqaro turnirlardan chetlatilgandan so'ng Rossiya klublariga birdamlik to'lovlari dasturi doirasida 10,8 mln yevrodan ortiq pul to'ladi. Bu haqda Britaniyaning mashhur The Guardian onlayn nashri xabar bermoqda.

Manbaga ko'ra, 2022-2023-yilgi mavsumda UEFA Rossiya futbol Ittifoqiga 3,3 million yevrodan ko'proq pul to'lagan. 2023-2024-yilgi mavsumda uning summasi 3,38 million yevrodan ortiq, 2024-2025-yilgi mavsumda 4,22 million yevrodan ortiq. 2021/2022 yilgi mavsumda ham 6,2 million yevro miqdorida to'lov amalga oshirildi.

2022-yil fevral oyida xalqaro futbol federatsiyasi (FIFA) va UEFA Ukrainadagi vaziyat tufayli Rossiya klublari va terma jamoalarini xalqaro turnirlarda ishtirok etishdan chetlatdi.